इटहरीः एमाले र कांग्रेसको गढ भत्काउँदै सुनसरी ३ बाट रास्वपाका उम्मेदवार अशोककुमार चौधरीले विजयी हासिल गरेका छन् । उनले ४७ हजार ४ सय २१ मत प्राप्त गरेका छन् ।
उनले भारीमतान्तरले नेपाली कांग्रेसका नेता विजयकुमार गच्छदारलाई पराजित गरेका हुन् । रास्वपाका चौधरीले २५,७२५ मतान्तरले विजय गच्छदारलाई पराजित गरे । उनका निकटतम प्रतिद्धन्दी नेपाली कांग्रेसका गच्छदारले १९,६१० मत पाए । यसअघि सोही निर्वाचन क्षेत्रबाट गच्छदारलाई पराजित गरेकी नेकपा एमालेकी भगवती चौधरीले १४,५६० मत पाएकी छन् ।
श्रम संस्कृति पार्टीका रामप्रसाद सदाले १ हजार ७ सय ८० मत ल्याउँदा नेपाली कम्युनिष्ट पार्टीका उम्मेदवार दुर्गेशकुमार चौधरीले १ हजार ५ सय ५१ मत मात्र पाएका छन् । राप्रपाका घनश्याम गुरुङले ८ सय ८५ मत मात्र पाएका छन् ।
