काठमाडौंः एमालेका वरिष्ठ नेता ईश्वर पोखरेल काठमाडौं ५ बाट पराजित भएका छन् । नेपाली कांग्रेसका केन्द्रीय सदस्य प्रदीप पौडेलले उनलाई पराजित गरेका हुन् । युवा नेता पौडेल निर्वाचित भएका छन् ।
उनले एमालेका वरिष्ठ नेता ईश्वर पोखरेललाई ५ हजार ६५ मतले पराजित गरेका हुन् ।
गत आइतबार सम्पन्न मतदानमा काठमाडौं ५ मा ४५ हजार ९८७ मत खसेको थियो । जसमध्ये पौडेलले १५ हजार २३७ मत पाएर विजयी भए । पोखरेलले १० हजार १७२ मत मात्र पाए । निर्वाचन आयोगले औपचारिक रुपमा भने घोषणा गर्न बाँकी भने बाँकी रहेको जनाएको छ ।
२०७४ को प्रतिनिधिसभा निर्वाचनमा पोखरेलले कांग्रेस प्रवक्ता डा. प्रकाशशरण महतलाई यहि क्षेत्रबाट पराजित गरेका थिए । २३ हजार २९ मतका साथ पोखरेल विजयी हुँदा महतले १३ हजार १६९ मत प्राप्त गरेका थिए ।
