इटहरीः निर्वाचन आयोगले भोली असोज १२ गते बुधबारदेखि निर्वाचन आचारसंहिता लागू हुने बताएको छ  । 

निर्वाचन आयोगको मंगलबार बसेको बैठकले भोली १२ असोजदेखि निर्वाचन आचारसंहिता कार्यान्वयन गर्ने निर्णय गरेको हो ।

निर्वाचन आचारसंहितामा संघीय सरकारका प्रधानमन्त्री, मन्त्री, प्रदेश सरकारका मुख्यमन्त्री र मन्त्री तथा स्थानीय तहका कार्यपालिका सदस्य चुनाव प्रचार प्रसारमा कडाई गरेको छ । 

306801635_775464363673979_195858814745183771_n

 संघिय सरकारका मन्त्री तथा प्रदेश सरकारका कुनै पनि मन्त्री तथा स्थानीय तहका कार्यपालिका सदस्यले चुनावी प्रचार प्रसारमा हिडन् पाउने छैनन् ।  निर्वाचन आचारसंहिता लागू भएपछि सरकारी, अर्ध सरकारी वा सार्वजनिक संस्थाले कुनै परियोजनाको स्रोत, साधन र सम्पत्ति दल तथा उम्मेदवारको पक्ष वा विपक्षमा प्रयोग गर्न पाउने छैनन् ।

यसैगरी, चुनाव प्रचारमा सरकारी, अर्ध सरकारी निकाय, विद्यालय विश्वविद्यालयलाई प्रयोग गर्न पाउने छैनन् । राजनीतिक दल वा उम्मेदवारको निर्वाचन चिह्न अंकित ज्याकेट, कमिज, भेष्ट टिसर्ट, क्याप, गम्छा, झोलाजस्ता सामग्री उत्पादन र प्रयोग गर्न समेत रोक लगाइएको छ  ।