काठमाडौँः प्रतिनिधिसभाको चालु अधिवेशन शनिबार (आज)देखि अन्त्य भएको छ ।
राष्ट्रपति विद्यादेवी भण्डारीले मन्त्रिपरिषदको निर्णयअनुसार प्रतिनिधिसभाको चालु अधिवेशन असोज १ गते राति १२ः०० बजेदेखि अन्त्य हुने घोषणा गरेसँगै संसदको कार्यकाल समाप्त भएको हो ।
शनिबारको प्रतिनिधिसभा बैठकमा राष्ट्रपतिले संसद अधिवेशन अन्त्य गरेको जानकारीसहितको पत्र सभामुख अग्निप्रसाद सापकोटाले वाचन गरेर सुनाए । आजको बैठकमा दलका शीर्ष नेताहरुले सम्बोधन गरेका थिए ।
