धरानः धरान उपमहानगरभित्र हल्का पेय पदार्थमा अखाद्य बस्तु भेटिएको भन्ने उपभोक्ताको गुनासो आएपछि खाद्य प्रविधि तथा गुण नियन्त्रण कार्यालयले धरानका पेय पदार्थ बेच्ने डिलरमा छापा मारेको छ ।
धरान नगरभित्र सन्चालनमा रहेका बोटर्स नेपाल र बरुण बेभरेजका उत्पादन बिक्रि वितरण गर्ने डिलरमा गुणस्तर परिक्षणका लागि छापा मारिएको खाद्य प्रविधि तथा गुण नियन्त्रण कार्यलय सुनसरीका प्रमुख काशिनाथ घिमिरेले प्रदेश पोर्टललाई बताए ।
खाद्य प्रविधि तथा गुण नियन्त्रण डिभिजन कार्यालय इनरुवाका प्राविधिकसहितको समूह र धरान उपमहानगरले संयुक्त रूपमा रहेको अनुगमन टोलीले गुणस्तर परिक्षणका लागि २ वटा कम्पनीका हल्का पेय पदार्थको नमुना संकलन गरेर विराटनगर पठाइएको घिमिरेले जानकारी दिए ।
अनुगमनका क्रममा कोकाकोला, फेन्टा, स्प्राइट, स्लाईस जस्ता पेय पदार्थको नमुना गुणस्तर परीक्षणका लागि ल्यावमा पठाइएको बताइएको छ । ल्यावमा पठाइएका पेय पदार्थको गुणस्तरमा कैफियत देखिएको खण्डमा उत्पादकलाई कारवाहि हुने खाद्य प्रविधि तथा गुण नियन्त्रण कार्यलयको भनाई छ ।
अनुगमनबाट विभिन्न पेय पदार्थको गुणस्तर परीक्षणका लागि प्रयोगशाला पठाइएको छ । धरान–१२ छाताचोकको सगुन ट्रेडर्सबाट २।५ लिटरको पेप्सी ६ थान, १।५ लिटरको २ वटा पेप्सी, सिसाको बोतलको २ सय ५० मिलिलिटरको पेप्सी ४, स्प्राइट २ सय ५० मिलिलिटिर ४ थान, पेप्सी २ सय ५० मिलिलिटरको ब्याच नम्बर फरक–फरक भएका ८ थान नमुना पठाएको बताइएको छ ।
यसैगरी धरान–८ को बाबा इन्टरनेसनल प्रा।लि।बाट स्प्राइट ४ थान, कोकाकोला ४ थान, फेण्टा ४ थान नमुना परीक्षणका लागि लगिएको छ । यी वस्तुहरूको नमुना परीक्षण गर्दा अस्वस्थकर र गुणस्तरहीन भएमा खाद्य ऐन अन्तर्गत कारबाहि प्रक्रिया अगाडी बढाईने छ ।
धरानमा चिसो पेय पदार्थ पेप्सी र स्प्राइटमा विभिन्न अखाद्य वस्तु भेटिएको गुनासो उपभोक्ताबाट आएको भन्ने जानकारी मिडियामा आएपछि आफुरु निरिक्षणमा गएको खाद्य प्रविधि तथा गुण नियन्त्रण कार्यालयका प्रमुख काशीनाथ घिमिरे बताउँछन् । टोलिमा खाद्य निरीक्षक सिर्जन जोशी र बादल चेम्जोङसहित धरानको नगर प्रहरीको टोली समेत संलग्न थियो ।
