इटहरीः लागुऔषधको कारोबार गरेको आरोपमा प्रहरीले सुनसरी जिल्लाकोे ईटहरी उपमहानगरपालिका–४ जनता टोलबाट ३ जनालाई पक्राउ गरेको छ ।
लागुऔषधको प्रयोग हुने गरेका गोप्य सुचना पाएपछि निरिक्षणमा गएको टोलीले लागुऔषध र पेस्तोल सहित ३ जनालाई प्रहरीले पक्राउ गरेको हो ।
प्रहरीले इटहरी ४ जनता टोलबाट पेस्तोल सहितका ब्यक्तिहरुले लागुऔषध बेचबिखन गरिरहेको भन्ने विशेष सूचनाका आधारमा शुक्रबार राती ईलाका प्रहरी कार्यालय इटहरीबाट खटिएको प्रहरी टोलीले ३ जनालाई पक्राउ गरेको हो ।
पक्राउ पर्नेहरुमा ईटहरी उप–महानगरपालिका–४ का १९ बर्षीय धन बहादुर राई, २७ बर्षीय टिका राई र ईटहरी–५ का २८ बर्षीय धन बहादुर राई रहेका छन् । उनीहरुको साथबाट प्रहरीले लेबल नलागेको लागुऔषध २४ एम्पुल र पेस्तोल १ थान तथा सोही पेस्तोलको म्याग्जिन १ थान बरामद गरेको छ ।
लागुऔषध तथा पेस्तोल सहित पक्राउ परेका उनीहरुको सम्बन्धमा थप अनुसन्धान भईरहेको ईलाका प्रहरी कार्यालय ईटहरीले जनाएको छ ।
