बराहक्षेत्रः बराहक्षेत्र नगरपालिकाको सदरमुकाम रहेको चक्रघट्टी बजारमा एक चोक छ, बुधबारे चोक । यहाँ बुधबार बजार (हटिया) लाग्ने भएकाले यसको नाम बुधबारे हुन गएको स्थानीयहरु बताउँछन् ।
एक दशकअघि नामको मात्र बुधबारे चोक बिगत ९ वर्षयता सजावट र बनावटले आकर्षक बनाइन थालियो । प्राकृतिक हराभरासहितको रुख बिरुवा रोपेर वरिपरिबाट सिमेन्ट ढलान र तारजालीले घेरिएको यस् चोक हिजोआज भने फेरिएको छ । अहिले यहाँ बुद्वको मुर्तीसहितको पानीको फोहोरा निर्माण गरिएको छ ।
९ सदस्यीय समितिको उपभोक्ता समितिले निर्माण गरेको यस संरचनालाई गत जेठ २ गते बुद्ध जयन्तीको अवसरमा उदघाटन समेत गरिएको समितिका सचिव विश्वास तामाङ बताउँछन् ।
स्थानीयबासीहरुको भने मिश्रित प्रतिक्रिया रहेको छ । एकाथरीले पहिलेको संरचना उत्कृष्ट भन्ने पक्षमा छन् भने अर्कोथरी अहिलेको । फोटोमा हेर्नुस् पहिलाको बुधबारे चोक र अहिलेको ।
