साँगुरीगढीलाई नेपालकै पर्यटकीय नमुना गाँउपालिका बनाउने संकल्प सहित दुई पर्यटनकर्मी चुनावी मैदानमा

  • बैशाख २७, २०७९
  • ४७० पटक पढिएको
  • प्रकाश बन्जारा
alt

इटहरीः धनकुटाको साँगुरीगढी गाउँपालिकालाई नेपालकै नमुना पर्यटकिय गन्तव्य बनाउने योजना सहित भेडेटारका दुई पर्यटनकर्मी ३ दिनपछि हुने स्थानीय निर्वाचनको दौडमा सामेल भएका छन् ।

भेडेटार होटल एसोसिएसनको नेतृत्व गरिरहेका जितेन्द्र रुम्दाली राई गाउँ पालिकाको अध्यक्षको दौडमा छन् भने अर्का जुझारु एसोसिएसनका पूर्व अध्यक्ष तथा पर्यटन व्यावसायी लिलाराज लावती गाउँपालिकाको उपाध्यक्षको दौडमा छन् ।

लोकतान्त्रिक बाम गठबन्धनको तर्फबाट चुनावी दौडमा होमिएका यी दुवै पर्यटनकर्मी गाउँपालिकामा आउन सके साँगुरीगढीले समग्र विकासमा काँचुली फेर्ने विश्वास धेरै मतदातामा रहेको छ ।

नेपाली कांग्रेसका नेता एंव युवा समाजसेवी तथा पर्यटनकर्मी जितेन्द्र रुम्दाली राई अघिल्लो स्थानीय निर्वाचनमा समेत अध्यक्षका प्रत्यासी हुन् । केही मतको अन्तरले पराजीत भएका रुम्दाली प्रतिपक्षमा रहेर गाउँपालिकाको काममा खवरदारी गर्ने र अझै जनताको माझमा जाने र सेवा गर्ने मौका पाएकाले यसपाली उनलाई जितको नजिक पुर्याएको स्थानीय बासिन्दाहरुको बुझाई छ ।

यता गाउँपालिकाको उपाध्यक्षको उम्मेदवार बनेका लिलाराज लावती युवा समाजसेवी तथा जनता समाजवादी पार्टीका नेता हुन् । सेवा गरेर कहिल्यै नथाक्ने लावती जनतासँग निकै नजिक मानिन्छन् । पर्यटन बुझेको व्यक्ति पर्यटकिय सम्भावनाको भेडेटारको नीति निर्माणका क्षेत्रमा पुगे भेडेटारको विकासमा टेवा पुग्ने र भेडेटारले डलर भित्रयाउने आशा पर्यटनकर्मीहरुको भनाई छ ।

आफुहरु साँगुरीगढी गाउँपालिकाको अध्यक्ष र उपाध्यक्षमा जित हासिल गरे गाउँपालिकामा रहेका मगर समुदायको हुर्रा नाच साथै खानपान र रहनसहनलाई ब्राण्डिङ्ग गर्ने र अन्य जातजातीहरुको संस्कृतीको संरक्षण सम्वद्र्धनका साथै त्यसको उत्थानमा महत्वपुर्ण भुमिका खेल्ने योजना यी युवा पर्यटनकर्मीहरुले अघि सारेका छन् ।

jitendra-rumdali

सिँगै गाउँपालिकामा भेडेटार मुख्य पर्यटकिय गन्तव्य भएता पनि पालिकाका अन्य गाउँहरुमा भएका धार्मिक र सांस्कृतिक सम्पदामा पनि पर्यटक पुग्ने र बस्ने गरी होमस्टेहरुको ब्राण्डिङ्ग गर्ने र गाउँगाउँमा कृषि उत्पादनमा जोड दिएर भेडेटारको बजार र होटललाई आवश्यक पर्ने कृषि जन्य सामाग्री आफ्नै गाउँपालिकामा उत्पादन गर्ने र आत्मनिर्भरता तर्फ अगाडी बढ्ने उनिहरुको योजना छ ।

छिमेकी मुलुक भारत देखि लिएर विश्वका विभिन्न देशबाट पर्यटक भित्रिने भेडेटारलाई पर्यटनको नमुना गन्तव्य बनाउने र साँगुरीगढीको घर घरमा डलर जम्मा गर्ने सक्ने सम्भावनालाई सार्थक पार्न आफुहरुको उम्मेदवारी रहेको उपाध्यक्षका उम्मेदवार लिलाराज लावती बताउँछन् ।

पर्यटकिय भुमिलाई अघिल्लो स्थानीय निर्वाचनमा विजय हासिल गरेका स्थानीय जनप्रतिनिधिले पर्यटनको नाममा सिन्को नभाँच्दा भेडेटार पछाडी परेको बताउँने गाउँपालिकाको अध्यक्षका उम्मेदवार जितेन्द्र रुम्दाली आफु र आफ्नो समुह निर्वाचित भए सम्वृद्ध भेडेटार बनाउने संकल्प अघि सारेको बताए । उनले अघिल्लो नेतृत्वले विकास नगरी गाउँपालिकाको बजेट कार्यकर्तालाई कनिका बाढेजस्तो बाढ्दा भेडेटार पछाडी परेको र आफुहरु पर्यटन बुझेको, व्यवसाय बुझेको र यहाँको आवश्यकता समेत बुझेकाले पनि साँगुरीगढीको विकासमा सेकेण्ड खेर नफालिकनै कामगर्ने प्रतिवद्धता व्यक्त गरेका छन् ।

पर्यटनकै माध्यमबाट साँगुरीगढीले काँचुली फेर्ने अठोट उनिहरुको छ । सिँगै साँगुरीगढीमा भेडेटार पर्यटकिय क्षेत्र भएको हुनाले अघि देखिएको भएता पनि त्यहाँ पछाडी परेको क्षेत्रमा कृषिको अथाह सम्भावना रहेको र गाउँमा कृषिमा योगदान गर्न किसानहरुलाई मलविरुवा उपलव्ध गराएर कृषिमा अग्रसर गराउने साथै गाउँपालिकामा उत्पादन भएको कृषि सामाग्रीले बजारभाउ नपाउँदा किसान मारमा परेकाले त्यस्तो उत्पादनलाई कृषि चिस्यान केन्द्र , प्रसोधन केन्द्र बनाएर राख्ने र सकेसम्म गाउँपालिकालेनै खरिद गर्ने र किसानलाई समर्पण मुल्य दिने जस्ता योजनाहरु आफुसँग रहेको उपाध्यक्षका उम्मेदवार लिलाराज लावती बताउँछन् । ।

img-9396

किसानले उत्पादन गरेर बिक्रि नभएका उत्पादनलाई गाउँपालिकाले नै खरिद गर्ने र बजारको समेत व्यावस्था गर्न सके किसानहरु अझ उत्साहित भएर उत्पादनमा लाग्ने र त्यसले पनि गाउँपालिकालाई समृद्ध गाउँपालिका बन्न सहयोग गर्ने उनको बुझाई छ ।

भेडेटार पर्यटनमात्रै होइन कृषिमा पनि उत्तिकै अगाडी रहेको बताउने लावती साँगुरीगढीमा धान , कागती र सिजनेवल फलफुलमा आत्मनिर्भर हुन सक्ने सम्भावना रहेको सुनाउँछन् । अदुवा, बेसार जस्ता उत्पादनहरुले बजारमा उचित मुल्य नपाईरहेको अवस्थामा आफुहरुको नेतृत्वले गाउँपालिकामा चुनाव जित्न सके चिस्यान केन्द्र बनाएर यस्ता उत्पादनहरुलाई राख्ने र उचित मुल्य भएको बेला बेच्ने व्यावस्था मिलाउने समेत उनिहरुको योजना छ ।

लोकतन्त्रमा सरकारहरु बदलिए तर जनताले के पाए त ? अनि परिवर्तन के आयो त भन्ने कुरामा चिन्तित लिलाराज ९० प्रतिशत जनतालाई कृषिमा लाग्न अभिप्रेरित गर्ने र नाम्जे र भेडेटारलाई चिटिक्क पारेर पर्यटक तान्ने आफुहरुको योजना रहेको र यो योजनाले साँगुरीगढी गाउँपालिकाकै मुहार फेरिने दावी यी दुई पर्यटनका हस्तीहरुले गरेका छन् ।

प्रतिक्रिया दिनुहोस

कोसी अस्पतालमा फोहोर गर्नेलाई कारवाही, संरक्षण नगर्न दलहरुलाई आग्रह

विराटनगरः कोशी अस्पतालको सुधारको लागि सरसफाईबाट काम शुरु गर्ने अस्पताल प्रशासनले जनाएकोछ । तत्काल गर ...

लिम्बुवान नेता वीर नेम्वाङलाई एक लाखको काङ्सोरे पुरस्कार

लन्डनः विगत चार दशकदेखि लिम्बुवान आन्दोलनको मुद्दा उठाउँदै आएका पुराना नेता वीर नेम्वाङलाई लिम्बुवान ...

धरानका मेयर हर्क साम्पाङ्ग झाडु बोकेर भानु चौकमा, खैनी र भोलाका खोल टिप्दै

धरानः धरान उपमहानगरपालिकाका लागि नव निर्वाचित मेयर हर्कराज साम्पाङ्ग राई बिहिबार झाडु बोकर सरसफाईका ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved