इजाजतै नलिई क्लिनिक सञ्चालन गर्ने दुई जना नक्कली डाक्टर मोरङ्गबाट पक्राउ

  • बैशाख १४, २०७९
  • १७७ पटक पढिएको
  • प्रदेश पोर्टल
alt

इटहरीः चिकित्सा शिक्षानै नलिएका र नेपाल मेडिकल काउन्सिलबाट इजाजत समेत नलिई क्लिनिक सञ्चालन गरेको भन्दै प्रहरीले मोरङ्गका दुई छुट्टाछुट्टै स्थानबाट २ जना नक्कली चिकित्सकलाई प्रहरीले पक्राउ गरेको छ ।

इजाजतपत्र नलिई मेडिकल क्लिनिक संचालन गरीरहेको भन्ने सुचना पाएपछि जिल्ला प्रहरी कार्यलय मोरङ्गबाट खटिएको टोलिले सोमबार २ जनालाई पक्राउ गरेको प्रहरीले जनाएको छ ।

प्रदेश प्रहरी कार्यलय विराटनगरका अनुसार पक्राउ पर्नेमा पथरी शनिश्चरे नगरपालिका–१ मा रहेको श्री राम पायल्स क्लिनिकका सञ्चालक भारत दार्जिलिङ रानीगन्ज पानसालीका २७ वर्षीय पर्सनजित बर्मन र सुन्दरहरैचा नगरपालिका–३ गछिया चौकमा रहेको कल्पना आयुर्वेदिक क्लिनिकका सञ्चालक भारत दार्जिलिङ देवीगन्ज ग्रामपञ्चायतका २९ वर्षीय सनोड मण्डल रहेका छन् ।

उनिहरुले चिकित्सा शिक्षा सम्बन्धी शैक्षिक योग्यता प्राप्त नगरेका र कानुन बमोजिम नेपाल मेडिकल काउन्सिलबाट उपचार गर्नको लागि इजाजत पत्र समेत नपाएको प्रहरीको भनाई छ ।

उनीहरूले विगत केही समय देखी आफू चिकित्सक भएको बताउँदै अवैध रूपमा क्लिनिक सञ्चालन गर्दे आएका थिए । प्रहरीले उपचारमा प्रयोग गरिएको सामाग्री सहित पक्राउ गरेको छ ।

नक्कली डाक्टरहरुलाई मेडिकल काउन्सिलसँग समन्वय गरी इलाज सम्बन्धी कसुरमा थप अनुसन्धान भइरहेको बताइएको छ ।

प्रतिक्रिया दिनुहोस

कोसी अस्पतालमा फोहोर गर्नेलाई कारवाही, संरक्षण नगर्न दलहरुलाई आग्रह

विराटनगरः कोशी अस्पतालको सुधारको लागि सरसफाईबाट काम शुरु गर्ने अस्पताल प्रशासनले जनाएकोछ । तत्काल गर ...

लिम्बुवान नेता वीर नेम्वाङलाई एक लाखको काङ्सोरे पुरस्कार

लन्डनः विगत चार दशकदेखि लिम्बुवान आन्दोलनको मुद्दा उठाउँदै आएका पुराना नेता वीर नेम्वाङलाई लिम्बुवान ...

धरानका मेयर हर्क साम्पाङ्ग झाडु बोकेर भानु चौकमा, खैनी र भोलाका खोल टिप्दै

धरानः धरान उपमहानगरपालिकाका लागि नव निर्वाचित मेयर हर्कराज साम्पाङ्ग राई बिहिबार झाडु बोकर सरसफाईका ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved