सप्तकोशी डेभलपमेन्ट बैँक घोटला प्रकरण, अपचलन भएको रकम जाडपार्टी र जग्गा कारोबारमा

  • माघ ८, २०७८
  • ४२९ पटक पढिएको
  • प्रदेश पोर्टल
alt

इटहरीः सप्तकोशी डेभलपमेन्ट बैङ्क बिराटनगरबाट अपचलन भएको ठुलो अंकको रकम बैँकका सिइओ नविन सुवेदीले जाडपार्टी, घरजग्गा कारोबार र मिटरव्याजमा खर्च गर्ने गरेको खुल्दै आएको छ ।
बैँकको जनरल सर्भिड डिपार्टमेन्टमा रहेका एक जना कर्मचारीसँगको साँठगाँठमा बैँकका प्रमुख कार्यकारी अधिकृत नविन सुवेदीले बैँकको १५ करोड ७५ लाख ४० हजार ५ सय ७५ रुपैयाँ हिनामिना गरेको बाहिरिएपछि झण्डै एक महिनादेखि सुवेदी सहित बैँकको ४ जना कर्मचारी प्रहरी हिरासतमा छन् ।
घोटला भएको रकममध्येकै रकमबाट पटक पटक जाडपाटीको आयोजना हुने गरेको र कतिपय रकम घरजग्गाको कारोबार र मिटरव्याजमा समेत लगाइने गरेको कर्तुत बाहिरिएको छ । पक्राउ परेका एकजनाले दिएको बयानले हिनामिनाबाट आएको पैसा घरजग्गा र मिटरब्याजमा खर्चिने गरेको पाइएको हो ।
हिनामिनाका मुख्य खेलाडी मानिएका नविन सुवेदीले आफ्नो नातेदार बबिता बस्नेतको खातामा सन् २०१६ देखि २०२१ अगष्ट २ तारिखसम्ममा प्राइम बैङ्कको खाता नं. ९९९००००१५००१५ बाट १४ करोड गैरकानूनी ढङ्गबाट निकालिएको चरणवद्ध अनुसन्धानले देखाएको प्रहरीको भनाई छ ।
कसले कति के–के मा हिनामिना गरेको रकम के मा लगानी गरेका छन् भन्ने तर्फ भने अहिले केहि खुलिसकेको छैन तथापी घटनाको अनुसन्धान सुक्ष्म रुपले भइरहेको बताइएको छ । घटनालाई राष्ट्र बैँक, नेपाल प्रहरी र बैँकले आन्तरिक रुपमा समेत अनुसन्धान गरिरहेका छन् ।
१४ पुसमा बैङ्कका तत्कालीन सिइओ सुवेदीसहित बैङ्कका लेखा वित्त प्रमुख देवीप्रसाद भण्डारी र अपरेसन प्रमुख अमित थापा मगरलाई पक्राउ गरी अनुसन्धान गर्दै आएको छ भने १९ मङ्सिरमा बैङ्कका जनरल सर्भिस डिपार्टमेन्ट (जीएसडी) प्रमुख हिमाल भट्टराई पक्राउ परेका थिए ।

भट्टराई पक्राउ परेपछि उनका आफन्तले पत्रकार सम्मेलन गरी भट्टराई निर्दोष रहेको र मुख्य नाइके सिइओ सुवेदीनै रहेकाले उनलाई पक्राउ गर्न दवाव दिएका थिए । घटना भएको लामो समय सम्म पनि सिइओ सुवेदी प्रहरी नियन्त्रण बाहिर रहेका कारण उनले निकै सेटिङ्ग गर्न भ्याएको स्रोतको दावी छ । तथापि सबै कारोबारहरु सिस्टममा हुने भएकाले त्यतिधेरै लुकाउने अवस्था भने नआउने बैँक स्रोतले बताएको छ ।
भट्टराईले जिम्मेवारी पाएको रेमिट्यान्सतर्फको करोडौं रकम हिनामिना भएको थियो । उनको नाममा पाँच वटा विभिन्न बैङ्कको खाताबाट एक करोड बढी रकम झिकेको अनुसन्धानले देखाएको छ । प्रारम्भिक अनुसन्धानलाई हेर्ने हो भने भट्टराईले ठुलो रकम हात पार्न सकेका छैनन् तर उनले सुवेदीलाई हिनामिनामा भने सहयोग गरेको हुन सक्ने अनुमान गरिएको छ ।
बैङ्कमा जागिर सुरु गरेपछि भट्टराई विराटनगरका नाम चलेका होटल र रेष्टुरेण्टमा दैनिकजसो जाने गरेको र यस्ता होटल र रेष्टुरेण्टहरूमा दिनहुँ ‘जाँड पार्टी’ आयोजन ागर्ने गरेको प्रहरी बताउँछ ।
सुवेदीले यस्ता जाँडपाटी धेरै जसो विराटनगरको एयरपोर्ट मोडमा रहेको एउटा रेष्टुरेण्टमा गर्ने गरेका थिए ।
नेपाल राष्ट्र बैँकबाट ख बर्गको कारोबार गर्ने इजाजत पाएको सप्तकोशी डेभलपमेन्ट बैँक प्रदेश १ का ७ जिल्लामा ३६ वटा शाखा कार्यालय रहेको वित्तिय संस्था हो ।

प्रतिक्रिया दिनुहोस

कोसी अस्पतालमा फोहोर गर्नेलाई कारवाही, संरक्षण नगर्न दलहरुलाई आग्रह

विराटनगरः कोशी अस्पतालको सुधारको लागि सरसफाईबाट काम शुरु गर्ने अस्पताल प्रशासनले जनाएकोछ । तत्काल गर ...

लिम्बुवान नेता वीर नेम्वाङलाई एक लाखको काङ्सोरे पुरस्कार

लन्डनः विगत चार दशकदेखि लिम्बुवान आन्दोलनको मुद्दा उठाउँदै आएका पुराना नेता वीर नेम्वाङलाई लिम्बुवान ...

धरानका मेयर हर्क साम्पाङ्ग झाडु बोकेर भानु चौकमा, खैनी र भोलाका खोल टिप्दै

धरानः धरान उपमहानगरपालिकाका लागि नव निर्वाचित मेयर हर्कराज साम्पाङ्ग राई बिहिबार झाडु बोकर सरसफाईका ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved