‘समर लभ’का अतित शर्मा उर्फ आशिष पिया

  • पुस १०, २०७८
  • ३०२ पटक पढिएको
  • सुबिन बिश्वकर्मा
alt

इटहरीः सन् २०१२ को अन्त्यतिर नेपाली साहित्यमा भर्खरै पाइला चाल्दै गरेका साहित्यकार सुबिन भट्टराईको कृति ‘समर लभ’बजारमा सार्वजनिक भयो । यसअघि कथाकी पात्र नामक कथा संग्रह लेखिसकेका भट्टराईलाई दोस्रो कृति ‘समर लभ’ उपन्यासले दिएको उचाइ सायदै बर्णन कम नहोला । उपन्यासले बेस्ट सेलरको तक्मा भिर्न सफल पनि भयो । उपन्यासको बारे जति चर्चा भइरह्यो, त्यो भन्दा कयौं गुणा चर्चा त्यहाँका पात्रको बारेमा हुन थाल्यो । अतित शर्मा र साया शाक्यको टिकाटिप्पणी यसरी भयो कि सामाजिक सन्जालभरी उनीहरूलाई खोज्नेको ताती लाग्यो । हजारौं अक्काउटहरु बने । पछि लेखक भट्टराईले वास्तविक जीवनमा आधारित कथा नभएकाले त्यहाँका पात्र पनि अवास्तविक रहेको प्रतिक्रिया दिए । त्यैं पनि पाठकको मनमा खुल्दुली भनें रहि नै रह्यो, कस्ता होलान् अतित र साया १ अन्ततः यहीँ कृतिमा आधारित चलचित्र बन्यो,‘समर लभ’ ।

उसो त डायमण्ड शमशेरको ‘बसन्ती’ गुरुप्रसाद मैनालीको ‘परालको आगो’बीपी कोइरालाको ‘तीन घुम्ती’लगायतका कृतिमा आधारित चलचित्र बजारमा आइसकेका थिए । यद्यपि युवापुस्ताले धेरै रुचाएको कृति‘समर लभ’ मा आधारित चलचित्र आउने भएपछि भने छुट्टै चर्चा सुरु भयो । र, पर्दामै सहि दर्शकले अतित र सायालाई हेर्न पाउने भए । २०१९ मा सार्वजनिक भएको चलचित्रमा साया शाक्य बनिन् रेवती क्षेत्री र अतित शर्मा बनेका थिए आषिश पिया ।
आषिशलाई आफू ब्यापारिक घरानाको भएपनि सानैदेखि उमेरदेखि मिडिया चासो थियो । उनी पढाइसँगै पर्दाको दुनियाँमा रम्न चाहान्थे । सन् २०१८ ताका थुप्रै बिज्ञापनमा अभिनय गर्दै थिए, आशिष । यहि क्रममा उनको भेट भयो मुस्कान ढकालसँग । र, उनको भाग्यले धकेल्यो( समर लभ)सँग । उनी भन्छन्, समर लभमा अभिनय गर्न पाउनु मेरो अहोभाग्य थियो । त्यसैका लागि उनले तीन वर्ष अभिनयको क्लास लिए ।
चलचित्र रिलिज भयो । दर्शकले मिश्रित प्रतिक्रिया दिए । एकाथरीले उपन्यास जस्तै फिल्म बनेको बताए भने अर्कोथरीले निर्देशन र अभिनय खासै चित्तबुझ्दो नभएको गुनासो पोखे । नायक आशिषले पनि पहिलो प्रोजेक्ट भएकाले थुप्रै कमि(कमजोरी भएको स्विकार्छन् । यद्यपि उनको करियर भने सुरु गराइदियो, समर लभले ।
त्यसपछि उनी कतै देखिएनन् । अभिनेत्री रेवती क्षेत्री भने अन्य प्रोजेक्टमा समेत छाइरहिन तर अभिनेता आशिष देखिएनन् । उनले भने, मेरो थुप्रै ठाउँमा होटल ब्यबसाय भएकाले नभ्याएको मात्र हो । लकडाउनले गर्दा कुनै नयाँ प्रोजेक्ट नभएको र आफूलाई चित्तबुझ्दो प्रोजेक्ट समेत नआएकाले काम भएको उनको जिकिर छ ।
उनकाअनुसार आजभोलि चाहिँ नयाँ प्रोजेक्ट आइरहेको तर मन परिरहेको छैन् । चितवनवासी आषिशले स्नातक तहको अध्ययन सकेका छन् । उनी एक्लै एक्लै घुम्न, नोभलहरु पढ्न रुचाउँछन् ।
तत्काल तपाईंको शुभचिन्तक दर्शकको लागि खुसखबरी के छ त ? उनले भने, समर लभको टिमले नयाँ फिल्म गर्ने योजना छ, त्यसैमार्फत देखिनेछु । २५ वर्षको उमेरमा पहिलो चलचित्र गरेका आशिषलाई अब भने एक्सनमा आधारित चलचित्र गर्न मन भएको बताउँछन् ।

प्रतिक्रिया दिनुहोस

इलामबाट सात राउण्ड गोलीसहित एक जना पक्राउ

इटहरीः इलामको सूर्योदय नगरपालिका–९ ढोडेबाट प्रहरीले सात राउण्ड गोलीसहित एक जनालाई पक्राउ गरेको ...

तेह्रथुम ‘ढाकाको राजधानी’ घोषित, वार्षिक पाँच करोडको ढाका निर्यात गर्दै

तेह्रथुमः तेह्रथुम जिल्ला ‘ढाकाको राजधानी’ घोषित भएको छ । उद्योग वाणिज्य तथा आपूर्ति मन् ...

संखुवासभामा एकै परिवारका ६ जनाको हत्या गर्नेलाई आजीवन कारावास

इटहरीः संखुवासभाको मादी नगरपालिका–१ उमलिङका एकै परिवारका ६ जनाको हत्या प्रकरणमा ५ जना मध् ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved