हेटौँडाः मकवानपुरमा यात्रुवाहक सुमो जिप दुर्घटना हुँदा तीन जनाको मृत्यु भएको छ भने सात जना घाइते भएका छन्।
मंसिर ३ गते बिहान करिब ८ः३५ बजे मकवानपुरको भीमफेदी गाउँपालिका–१ भैँसेस्थित हेटौँडा–भैँसे सडकखण्डमा उक्त दुर्घटना भएको हो।
रौतहटको चन्द्रनिगाहपुरबाट काठमाडौंका लागि आउँदै गरेको ना.१ ज २१४३ नम्बरको यात्रुवाहक सुमो जिप घुम्तीमा अनियन्त्रित भई सडकबाट करिब १० मिटर तल भैँसे खोलामा खसेको प्रहरीले जनाएको छ।
दुर्घटनामा सुमो चालकसहित १० जना घाइते भएका थिए। घटनालगत्तै प्रहरीले घाइतेहरूको उद्धार गरी उपचारका लागि हेटौँडा अस्पताल पुर्याएको थियो।
हेटौँडा अस्पतालमा उपचारका क्रममा बिहान ९ः२० बजे चिकित्सकले तीन जनालाई मृत घोषणा गरेका हुन्। दुर्घटनामा घाइते भएका अन्य सात जनाको हेटौँडा अस्पतालमै उपचार भइरहेको छ।
हेटौँडा अस्पतालमा उपचारका क्रममा बिहान ९ः२० बजे चिकित्सकले तीन जनालाई मृत घोषणा गरेका हुन्। दुर्घटनामा घाइते भएका अन्य सात जनाको हेटौँडा अस्पतालमै उपचार भइरहेको छ। दुर्घटनाको कारणबारे थप अनुसन्धान भइरहेको प्रहरीले जनाएको छ।




















