धरानः धरान उपमहानगरपालिका वडा नम्बर १४ बाट एक जनालाई गन सहित प्रहरीले पक्राउ गरेको छ ।
इलाका प्रहरी कार्यालय धरानका डिएसपी नवराज मल्लका अनुसार विजयपुर बस्ने ३९ वर्षीय अमनध्वज कार्कीलाई १ थान एयर गन सहित हिँजो साँझ प्रहरीले पक्राउ गरेको जनाइएको छ ।
कार्कीको घरकोठामा अवैध हतियार लुकाई छिपाइ राखेको भन्ने खबर प्राप्त हुनासाथ ईलाका प्रहरी कार्यालय धरान र अस्थायी प्रहरी चौकी विजयपुरबाट खटिएको प्रहरीले उनको घर तलासी गर्ने क्रममा उक्त गन सहित उनलाई पक्राउ गरेको हो ।
डिएसपी मल्लका अनुसार पक्राउ परेका कार्कीको विषयमा नियन्त्रणमा लिएर थप अनुसन्धान भईरहेको छ ।
