इटहरीः इटहरीमा रहेको राधाकृष्ण मन्दिरबाट निस्किएको रथयात्राले नगरका विभिन्न भागको परिक्रमा गरिरहेको छ । इटहरीस्थित राधाकृष्ण मन्दिरबाट शुरु भएको रथयात्रा इटहरी चोकबाट पश्चिम कलङ्की मोडसम्म पुगेर सोही बाटोबाट फर्किएको थियो ।
रथयात्रा अहिले ६ बज्दा ट्याङ्ग्रा खोलाबाट पूर्वतर्फ गएको छ । बुढी खोलमा पुगेर रथयात्रा पुनः फर्किएर राधाकृष्ण मन्दिरमा पुगी समापन हुने रथयात्रा आयोजक समितिका सचिव दीपक गौतमले बताए । रथयात्रामा इटहरी र आसपासका ५ हजारभन्दा बढी नगरवासी सहभागी भएका थिए । रथयात्रामा विभिन्न झाँकीका साथै भजनकीर्तन मण्डलीले रथयात्रालाई सङ्गीतमय बनाइरहेका छन् ।
