इटहरीः इटहरी उपमहानगरपालिकाले आर्थिक बर्ष २०७९/२०८० मा शिर्षकगत अभिलेख तयार नै नगरि १ करोड ६४ लाख २० हजार ६ सय ९४ रुपियाँ कन्टिजेन्सी वापत खर्च गरेको पाइएको छ । पालिकाले बजेटको आधारमा नियम विपरित १ करोडबढी कन्टिजेन्सी खर्च गरि अनियमित गरेको महालेखापरिक्षकको कार्यालयले जनाएको छ ।
महालेखापरिक्षकको कार्यालयले इटहरी उपमहानगरलाई २०८१ जेष्ठ १३ गते बुझाएको अघिल्लो आर्थिक बर्षको अन्तिम लेखा प्रतिवेदनमा सो कुरा उल्लेख गरेको छ ।
प्रतिवेदनमा पालिकाले कन्टिजेन्सी रकम खर्च गर्दा कार्यविधि तयार गरेर मात्र गर्नु पर्ने कानुनीले व्यवस्था भएपनि सोको विपरित खर्च गरेको पाइएको हो ।
यसरी पालिकाले सो शिर्षकको रकम खर्च गर्दा चालु प्रकृतिका तथा पुँजीगत प्रकृतिका खर्च सम्बन्धमा एकिन गर्न नसकिएको महालेखाको प्रतिवेदनमा उल्लेख गरिएको छ ।
इटहरी उपमहानगरपालिकाले आर्थिक बर्ष २०७९/२०८० मा १८७ योजनाको कुल बजेट रु.९०,३६,४५,०००.०० का आधारमा १ प्रतिशतले हुने रु.९८,३६,४५०.० कन्टिजेन्सी खर्च वापत कट्टी गरेको देखिन्छ ।
कन्टिजेन्सी खर्च भुक्तानी खर्चका आधारमा गर्नु पर्नेमा नियम विपरित बजेटका आधारमा भुक्तानी गरेको पाइएको महालेखाको प्रतिवेदन उल्लेख गरेको छ ।
बजेटको आधारमा कट्टी गरेको रकम रु.६५,८४ २४४.०० भन्दाबढी भुक्तानी हुने गरि कन्टिजेन्सी खर्च गरेको नियम संम्मत नदेखिएको महालेखाले जनाएको छ ।
महालेखाले इटहरी उपमहानगरपालिकाले अघिल्लो आर्थिक बर्षमा संचालन गरेको १८७ योजनाहरुमा भएको खर्च रु.५६,१८,१६,३४२.१३ का आधारमा रु.५६,१८,१६३.०० मात्र खर्च गर्न मिल्ने देखिएकाले यसरी बजेटका आधारमा र कट्टी रकम भन्दा बढी रु.१,०,८,०२,५३१.०० अनियमित रुपमा कन्टिजेन्सी खर्च गरेको औल्याएको छ ।
_1720278409.jpg)
