धरानका मेयर हर्कराज साम्पाङ्गले सम्हाले कार्यभार, धरानको कर सम्बन्धि अध्ययन गर्न कार्यदल गठन गर्ने पहिलो निर्णय

  • जेठ १०, २०७९
  • १२३१ पटक पढिएको
  • प्रदेश पोर्टल
alt

इटहरीः धरान उपमहानगरपालिकाका नव निर्वाचित मेयर हर्कराज साम्पाङ्ग राईले मंगलबार पदभार ग्रहण गरेका छन् ।

पदभार ग्रहण गरेलगत्तै संचारकर्मीहरुको प्रश्नको जवाफ दिँदै हर्कराजले पव्लिकको विश्वासले आफ्नो जिम्मेवारी बढेको र सबैको सहयोगले नगरलाई सुशासित र विकसित बनाउने बताएका छन् ।विभिन्न खालका समस्यासँग जुधिरहेको धरानलाई उन्नत शहर बनाउनका लागि पहिलो प्राथमिकता खानेपानीलाई दिएर अगाडी बढ्ने राईको भनाई छ ।


व्यवस्थापन र उत्पादन दुई फरक फरक समस्या भएकाले दुवैलाई फरक तरिकाले सम्बोधन गर्ने उनले बताए । विग्रेको मर्मत सम्हार सम्बन्धि काम तत्काल समाधान गर्नुपर्ने र उत्पादन बढाउनको लागि पनि तत्काल अध्ययन गरेर नगरपालिका लाग्ने उनले बताए । सरकार त छ भन्ने जनतालाई बुझाउने महशुस गर्ने वातावरण ल्याउने साम्पाङ्गको योजना छ ।

कसैले अनाहकमा कुटाई खाएर थुनामा बस्नु नपरोस भन्ने पनि आफ्नो प्राथमिकतामा पर्ने र सुकुम्बासीहरुलाई पेल्ने काम गर्नु हुदैन सुकुम्बासी बस्तीलाई कसरी व्यवस्थीत गर्ने वीपी कोइराला स्वास्थ्य विज्ञान प्रतिष्ठानको धारासायी सेवालाई कसरी व्यवस्थीत गर्ने ,स्रोत, साधन र अधिकारले भ्याएसम्म धराने जनतालाई सेवा गर्ने उनले बताए । जनताले सडकमा, चोकमा जहाँ बोलाए पनि आफु आउने राईको भनाई छ ।

283757141_545627090275723_8524673154757931342_n (1)

धराने जनताले सबै असलहरुलाई जनप्रतिनिधिमा चुनेको भएकाले सबैले विकास निर्माणमा सहयोग गर्ने आफ्नो अपेक्षा रहेको मेयर राईको भनाई छ ।धरान उपमहानगर अव जनमुखी हुन्छ । चाहिने आवश्यकत सुचना जनताले पाउँछन् । भ्रष्ट्राचार न्युनिकरण हुने उनले बताए ।

धरान उप–महानगरपालिकाका नव निर्वाचित उप–मेयर अइन्द्र बिक्रम बेघाले धरानको खानेपानी समस्या समाधान गर्न सर्दु र खर्दुको बिचमा चेक ड्याम निर्माण गरिने बताएका छन् ।स्वतन्त्र उम्मेदवारका चुनावी अभियानकर्ताको संयोजकको भुमिकामा देखिएका साथीले पदभार लगत्तै मेयरलाई खादा लगाएर सम्मान व्यक्त गरे ।

पदभार ग्रहणसँगै मेयर राईले बैज्ञानिक कर प्रणाली लागु गर्न अध्ययन गर्न उपमेयर आइन्द्र विक्रम बेघाको संयोजकत्वमा एक कार्यदल गठन गर्ने निर्णयमा हस्ताक्षर गरेका छन् । धरानको कर कस्तो छ र त्यसलाई कसरी वैज्ञानिक गर्न सकिन्छ भन्ने विषयमा अध्ययन गर्ने सो टोलीमा प्रमुख प्रशासकिय अधिकृत, राजश्व शाखाका अधिकृत र मेयरले मनोनीत गर्ने एक जनाको कार्यदल रहने निर्णय मेयरले पढेर सुनाएका थिए ।

प्रतिक्रिया दिनुहोस

विजय श्रेष्ठ बने सुनसरी उद्योग वाणिज्य संघका नयाँ अध्यक्ष

धरानः उद्योग वाणिज्य संघ सुनसरीको निर्वाचन सम्पन्न भएको छ । धरानमा सम्पन्न निर्वाचनबाट नेपाली कांग्र ...

उपभोक्ता ठगीको आरोपमा नौ ओटा पसलमाथि कारबााही

पर्साः वीरगञ्जस्थित वाणिज्य, आपूर्ति तथा उपभोक्ता संरक्षण कार्यालयले बारा कलैयाका विभिन्न नौ पसललाई ...

इलामबाट सात राउण्ड गोलीसहित एक जना पक्राउ

इटहरीः इलामको सूर्योदय नगरपालिका–९ ढोडेबाट प्रहरीले सात राउण्ड गोलीसहित एक जनालाई पक्राउ गरेको ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
 
 
  • प्रबन्ध सम्पादकः प्रेमप्रसाद बास्तोला
  • प्रबन्धक :शुसिला उप्रेती
  • कार्यकारी सम्पादक :प्रकाश बञ्जरा
  • सह सम्पादक :शिशिर भट्टराई
  • प्रमुख संवाददाता :सुबिन बिश्वकर्मा
  • मार्केटिङ प्रमुख :देवराज पुरी
 

Copyright © 2018 / 2022 - Pradeshportal.com All rights reserved